si begunde vaßßen den schilt an der hant,
den gêr si hôhe zucte: dô gie eß an den strît.
die ellenden geste vorhten Prünhilde nît.
Unde wære im Sîvrit niht dâ ze helfe komen, 428
sô hete si Gunther sînen lîp benomen.
er gie dar tougenlîche und ruort im sîne hant.
Gunther sîne liste harte sorclîch ervant.
‚Waß hât mich gerüeret?‘ dâht der küene man. B.
dô sach er allenthalben: er vant dâ niemen stân.
er sprach: ‚ich pinß, Sîvrit, der liebe vriunt dîn.