des vreute sich dô Hagene, der degen küene unde balt.
Si bat den rîter edele mit ir dannen gân A.441
in den palas wîten: dâ was vil manec man.
durch vorhte manß dem degene deste baß erbôt.
von Sîvrides ellen si wâren komen ûßer nôt.
Sîvrit der snelle, wîse er was genuoc, 442
sîne tarnkappen er ze behalten truoc.
dô gie er hin widere, dâ manec vrouwe saß;
er sprach zuo dem künege und tet vil kündeclîche daß:
‚Wes pîtet ir, mîn hêrre, wan beginnet ir der spil, B.