dar nâch ie ranc mîn herze, wol ich daß verendet hân.
‚Und saget Ortwîne, dem lieben neven mîn, 504
daß er heiße rihten sidel an dem Rîn,
und ander mîne mâge die sol man wißßen lân,
ich wil mit Prünhilde grôße hôhgezîte hân.
‚Und saget mîner swester, sô si habe vernomen, 505
daß ich mit mînen gesten sî ze lande komen,
daß si wol enphâhe die triutinne mîn:
daß wil ich immer diende umbe Kriemhilde sîn.‘
Sîvrit der hêrre balde urloup nam 506