er hât mich iu beiden mitten mæren her gesant.
‚Mit vriuntlîcher liebe, vil edel künegîn, 519
enbiutet iu ir dienest er und diu wine sîn.
nu lât iuwer weinen: si wellent schiere komen.‘
si hete in manegen zîten sô lieber mære niht vernomen.
Mit snêwîßen gêren ir ougen wol getân B.
wischte si nâch trehenen. danken si began
dem boten dirre mære, diu ir dâ wâren komen.
dô was ir michel trûren unde weinen benomen.
Si bat den boten sitzen: des was er vil bereit. 520