des ê der künic gerte, daß wart mit vlîße getân.
Si truogen rîche phelle, die besten, die man vant, 533
vor den vremden recken, sô manec guot gewant,
daß ir schœnen varwe ze rehte wol gezam.
er wære in swachem muote, der ir deheiner wære gram.
Von zobel und von harme vil kleider man dâ vant. 534
dâ wart vil wol gezieret manec arm unde hant
mit pougen ob den sîden, die si solden tragen.
iu enkunde ditze vlîßen ze ende niemen gesagen.
Vil manegen gürtel spæhe, rîch unde lanc, 535