Ê daß ir gruoß ergienge, daß was ein lengiu stunt. 548
jâ wart dâ geküsset manec rôter munt.
noch stuonden bî ein ander die künege tohtre rîch:
daß liebet an ze sehene manegen recken lobelîch.
Dô spehten mit den ougen, die ê hôrten jehen, 549
daß si alsô schœnes heten niht gesehen
sô die vrouwen beide: des sach man âne lüge.
man kôs an ir lîbe dâ deheiner slahte trüge.
Die vrouwen spehen kunden und minneclîchen lîp, 550
die lobten durch ir schœne daß Guntheres wîp;