er leite sich sô verre, daß er ir schœne wât
dar nâch selten ruorte: ouch wolde si des haben rât.
Dô kom ouch ir gesinde: die brâhten niuwe kleit: 593
der was in an dem morgen harte vil bereit.
swie wol man dâ gebârte, trûrec was genuoc
der edel wirt des landes, swie er des tages krône truoc.
Nâch siten, der si phlâgen und man durch reht begie, 594
Gunther unde Prünhilt niht langer daß verlie:
si giengen zuo dem münster, dâ man die messe sanc.
dar kom ouch er Sîvrit: dô huop sich michel gedranc.