dâ zem Spehtsharte: den wîn den sande ich dar.
sîn wir hiut ungetrunken, wie wol ich mêre daß bewar.‘
Dô sprach der hêrre Sîvrit: ‚ir lîp der habe undanc. 909
man sold mir siben soume met und lûtertranc
haben her gevüeret. dô des niht mohte sîn,
dô sold man uns gesidelet haben nâher an den Rîn.‘
Dô sprach von Troneje Hagene: ‚ir edelen rîter balt, 910
ich weiß hie vil nâhen einen brunnen kalt:
daß ir niht enzürnet: dâ sul wir hine gân.‘
der rât wart manegem degene ze grôßen sorgen getân.