dâ von ich iu des strîtes râten niht enwil.
si habent wider einen ie wol drîßec man;
Got lâß in gelingen, als si umb uns gedienet hân.
‚Ir sult hie belîben und dolt mit mir diu leit, 976
unz eß tagen beginne, ir helde vil gemeit:
sô helfet mir beserken mînen lieben man.‘
dô sprâchen die degene: ‚vrouwe liep, daß sî getân.‘
Iu enkunde nieman daß wunder volsagen 977
von rîtern und von vrouwen, wie man die hôrte klagen,
sô daß man des wuofes wart in der stat gewar.