dô hieß diu edel vrouwe zuo dem münster tragen
den vil edelen tôten, ir vil lieben man.
swaß er dâ vriunde hête, die sach man weinende gân.
Dô si in zem münster brâhten, wie vil dâ glocken klanc! A.981
man hôrte allenthalben maneges phaphen sanc.
dô kom der künic Gunther dar mit sînen man
und ouch der grimme Hagene; daß wære beßßer verlân.
Er sprach: ‚liebiu swester, wê der leide dîn. A.982
daß wir niht mohten âne sô grôßes schaden sîn.
wir müeßen klagen immer Sîvrides lîp.‘