eß muose gên zem opher, ê er wurde begraben.
wol hundert messe man des tages sanc.
von Sîvrides vriunden wart dô grôßer gedranc.
Dô man het gesungen, daß volc sich huop von dan. 996
dô sprach vrou Kriemhilt: ‚irn sult niht eine lân
hînte mich bewachen den ûß erwelten degen.
eß ist an sîme lîbe al mîn vreude gelegen.
‚Drî tac und drî nahte wil ich in lâßen stân, A.997
unz ich mich geniete mîns vil lieben man.
waß, ob Got gebiutet, daß mich ouch nimt der tôt?