Dô sprach gezogenlîche der fürste Gêrnôt: A.1037
‚Got weiß wol von himele, an Sîvrides tôt
gewan ich nie schulde: ich hôrte ouch nie gesagen,
wer im hie vîent wære: ich soll in billîche klagen.‘
Dô gab im guot geleite Gîselher daß kint. A.1038
er brâhte sorgen âne, die noch bî leide sint,
den künec bî sînen recken heim ze Niderlant.
wie lützel man der mâge dar inne vrœlîche vant!
Wie si nu gevüeren, des kan ich niht gesagen. 1039
man hôrte zallen zîten hie Kriemhilde klagen,