wand er muoß von hinnen mit mir wærlîche varn.‘
Dô schuof diu jâmers rîche, daß er wart ûf erhaben; C.
sîn edeleß gebeine wart anderstunt begraben
ze Lôrse bî dem münster vil werdeclîchen sît,
dâ der helt vil küene in einem langen sarke lît.
In den selben zîten, dâ Kriemhilt solde C.
varn mit ir muoter, dar si doch wolde,
dô muoste si belîben, als eß solde sîn.
daß unterstuonden mære, vil verre komen über Rîn.