Hei, waß man rîcher phelle   von ir kameren truoc! A.1113

der wart den edelen recken   ze teile dô genuoc,

ervüllet vlîßeclîchen   von halse unz ûf die sporn.

die im dar ab gevielen,   die het im Rüedegêr erkorn.

An dem siebenden morgen   von Bechlâren reit 1114

der wirt mit sînen degenen:   wâfen unde kleit

vuorten si den vollen   durch der Beire lant.

si wurden ûf der strâße   durch rouben selten an gerant.

Inre tagen zwelfen   si riten an den Rîn. 1115

done kunden disiu mære   niht verholen sîn.