Dô sprach diu jâmers rîche: ‚iu sol verbieten Got 1158
und allen mînen vriunden, daß si deheinen spot
an mir armer üeben: waß sold ich einem man,
der ie herzeliebe von guotem wîbe gewan?‘
Si widerreit eß sêre. dô kômen aber sint A.1159
Gêrnôt ir bruoder und Gîselher daß kint.
si bâten minneclîche trœsten si den muot:
ob si den künec genæme, daß wær ir wærlîchen guot.
Ueberwinden kunde nieman dô daß edele wîp, 1160
daß si minnen wolde deheines mannes lîp.