dô wart wol ze prîse   vor den vrouwen geriten.

Daß ließen si belîben.   dô gruoßte manec man 1248

vil güetlîche ein ander.   dô vuorten si von dan

die schœnen Gotelinde,   dâ si Kriemhilt sach.

die vrouwen dienen kunden,   die heten kleinen gemach.

Der vogt von Bechelâren   ze sîme wîbe reit. 1249

der edelen marcgrâvinne   was daß niht ze leit,

daß er sô wol gesunder   von Rîne was komen.

ir was ein teil ir swære   mit grôßen vreuden benomen.

Dô sin hete enphangen,   er ließ si ûf daß gras 1250