daß si sich wol gehabete, wie vaste er ir daß riet,
und daß si ir êre koufte, als Helche het getân.
hei, waß si grôßer êren sît dâ zen Hiunen gewan!
Zuo der Treisem brâhte man die geste dan. 1271
ir phlâgen vlîßeclîchen die Rüedegêres man,
unz daß die Hiunen riten über lant!
dô wart der küneginne vil michel êre bekant.
Bî der Treisem hête der künec ûß Hiunen lant A.1272
eine burc wîte, diu was wol bekant,
geheißen Treisenmûre: vrou Helke saß dâ ê