des hôhzît grœßer wære: daß ist uns gar verdeit.
alle, die dâ wâren, truogen iteniuwe kleit.
Si wæn in Niderlande dâ vor nie gesaß 1308
mit sô manegem recken: dâ bî geloube ich daß,
was Sîvrit rîch des guotes, daß er doch nie gewan
sô manegen recken edele, sô si sach vor Etzeln stân.
Ouch gap nie künec neheiner zuo sîn selbes hôhgezît 1309
sô manegen rîchen mantel tief unde wît,
noch sô guoter kleider, der si vil mohten hân,
die Kriemhilde willen wurden alle vertân.