An dem ahtzehenden morgen von Wiene si dô riten. 1315
dô wart in rîterscheften schilde vil versniten
von speren, die dâ vuorten die recken an der hant.
sus kom der künic Etzel mit vreuden in der Hiunen lant.
Ze Heimburg der alten si wâren über naht. 1316
done kunde niemen wißßen wol des volkes aht,
mit wie getâner krefte si riten über lant.
hei, waß man schœner vrouwen in sîme heimuote vant.
Ze Misenburc der rîchen dâ schiften si sich an. 1317
daß waßßer wart verdecket von ros und ouch von man,