der si was gewaltec und die ir Hagenen hant
mit Sîvrides tôde hete gar benomen,
und ob im daß ouch immer noch ze leide möhte komen.
‚Daß geschæhe, ob ich in bringen möhte in ditze lant.‘ A.1333
ir troumde, daß ir gienge vil dicke an der hant
Gîselher ir bruoder: si kusten zaller stunt
vil ofte in semftem slâfe. sît wart in arbeite kunt.
Ich wæn, der übel vâlant Kriemhilde daß geriet, A.1334
daß si mit vriuntschefte von Gunthere schiet,
den si durch suone kuste in Burgunden lant.