den argen willen niemen an der küneginne vant.
Dô si eines nahtes bî dem künege lac, A.1340
mit armen umbevangen het er si, als er phlac
die edelen vrouwen triuten, si was im sô sîn lîp:
dô gedâhte ir vînde daß vil hêrlîche wîp.
Si sprach zuo dem künege: ‚vil lieber hêrre mîn, 1341
ich wolde iuch biten gerne, möhteß mit hulden sîn,
daß ir mich sehen ließet, ob ich daß het versolt,
daß ir den mînen vriunden wæret inneclîchen holt.‘
Dô sprach der künic rîche, getriuwe was sîn muot: A.1342