Kriemhilt diu vrouwe si sunder sprechen began.
Dô sprach der künic rîche: ‚ich sag iu, wie ir tuot: 1350
ich enbiute mînen vriunden lieb und alleß guot,
daß si geruochen rîten her in mîniu lant.
ich hân sô lieber geste harte wênec noch bekant.
‚Und ob si mînes willen wellen iht begân, 1351
die Kriemhilde mâge, daß si des niht enlân,
sine komen mir ze liebe zuo mîner hôhgezît,
wan vil der mînen wünne an mînen konemâgen lît.‘
Dô sprach der videlære, der stolze Swemelîn: 1352