ich mache iuch guotes rîche und gib iu hêrlîch gewant.
‚Swaß ir der mîner vriunde immer muget gesehen 1355
ze Wormeß bî dem Rîne, den sult ir niht verjehen,
daß ir noch ie gesæhet betrüebet mînen muot;
und saget mînen dienest den helden küene unde guot.
‚Bitet, daß si leisten, swaß in der künec enbôt, 1356
und mich dâ mite scheiden von aller mîner nôt.
die Hiunen wellent wænen, deich âne vriunde sî.
ob ich ein rîter hieße, ich kœme in etwenne bî.
‚Und saget ouch Gêrnôte, dem edelen bruoder mîn, 1357