Durch diu kunden mære vrâgen er began, A.1377
wie sich Etzele gehabete und die sîne man.
dô sprach der videlære: ‚daß lant gestuont nie baß,
noch sô vrô die liute: nu wißßet endelîche daß.‘
Er brâhtes zuo dem wirte; der palas der was vol: 1378
do enphie man die geste, sô man boten sol
güetlîchen grüeßen in ander künege lant.
Werbel vil der recken dâ bî Gunthere vant.
Der künec gezogenlîche grüeßen si began: 1379
‚sît willekomen beide, ir Etzelen spileman,