der getürre rîten mit iu ze hove baß.
sît ir niht welt erwinden, ich sol iu wol erzeigen daß.‘
Dô sprach der kuchenmeister Rûmolt der degen: 1405
‚der vremden und der kunden mugt ir wol heißen phlegen
nâch iuwer selbes willen, wand ir habt vollen rât.
ich wæne niht, daß Hagene iuch noch vergîselet hât.
‚Welt ir niht volgen Hagenen, iu rætet Rûmolt, 1406
wand ich iu bin mit triuwen dienstlîchen holt,
daß ir hie sult belîben durch den willen mîn,
und lât den künic Etzelen dort bî Kriemhilde sîn.