die dâ varen solden   zuo den Hiunen dan.

der künec mit guotem willen   der vil manegen gewan.

Dô hieß von Tronje Hagene   Dancwart den bruoder sîn 1415

ir beider recken ahzec   vüeren an den Rîn.

die kômen rîterlîche:   harnas und gewant

vuorten die vil snellen   in daß Guntheres lant.

Dô kom der küene Volkêr,   ein edel spilman, 1416

zuo der hovereise   mit drîßec sîner man:

die heten sölch gewæte,   eß möhte ein künic tragen.

daß er zen Hiunen wolde,   daß ließ er Gunthere sagen.