dô kêrte er wider übere: des leit er ungemach.
swie er niht swimmen kunde, im half diu Gotes hant,
daß er kom gesunder hin wider ûß an daß lant.
Dô stuont der arme priester und schutte sîne wât. A.1520
dâ bî sach wol Hagene, daß sîn niht wære rât,
daß im vür mære sagten diu wilden merwîp.
er dâhte: ‚dise degene die müeßen vliesen den lîp.‘
Dô si daß schif entluoden und gar getruogen dan, A.1521
swaß dar ûfe hêten der drîer künege man,
Hagne eß sluoc ze stucken und warf eß an die vluot.