dô vundens ûf der marke slâfende einen man,
dem von Tronje Hagene ein starkeß wâfen an gewan.
Jâ was geheißen Eckewart der selbe rîter guot. A.1572
er gewan dar umbe vil trûrigen muot,
daß er verlôs daß wâfen von der helde vart.
die Rüedegêres marke vundens übele bewart.
‚Ouwê mir dirre schande,‘ sprach dô Eckewart. 1573
‚jâ riuwet mich vil sêre der Burgunden vart.
sît ich verlôs Sîvriden, sît was mîn vreude ergân;
ouwê, hêrre Rüedegêr, wie hân ich wider dich getân.‘