Dô îlten zuo den rossen rîter unde kneht: 1589
swaß in gebôt ir hêrre, daß dûhtes alle reht.
dô ließens in der dienste zogen deste baß.
eß wesse niht vrou Gotelint, diu in ir kemenâten saß.
Âventiure
wie si ze Bechelâren kômen.
Dô gie der marcgrâve, dâ er die vrouwen vant, 1590
sîn wîp und sîne tohter, und seite in zehant
diu lieben mære, diu er hete vernomen,
daß in ir vrouwen bruoder dar ze hûse solden komen.
‚Vil liebe triutinne,‘ sprach dô Rüedegêr, 1591