dâ wart vil michel vlîßen von schœnen wîben getân.
Gevelschet vrouwen varwe vil lützel man dâ vant. 1594
si truogen ûf ir houbten von golde liehtiu bant,
daß wâren schapel rîche, daß in ir schœne hâr
zervuorten niht die winde; si wâren hübsch unde clâr.
In solhen unmuoßen sul wir die vrouwen lân. 1595
hie wart vil michel gâhen über velt getân
von Rüedegêres vriunden, dâ man die vürsten vant.
si wurden wol enphangen in des marcgrâven lant.
Dô si der marcgrâve zuo im komen sach, 1596