und soldes under krône dâ zen Burgunden gân.‘
Diu rede Rüedegêren dûhte harte guot 1617
und ouch Gotelinde: jâ vreute si in den muot.
sît truogen an die helede, daß si ze wîbe nam
Gîselher der edele, als eß künege wol gezam.
Swaß sich sol gevüegen, wer mac daß understên? A.1618
man bat die juncvrouwen hin ze hove gên:
dô swuor man im ze gebene daß wünneclîche wîp:
dâ lobte ouch er ze minnen ir vil minneclîchen lîp.
Man beschiet der juncvrouwen bürge unde lant. A.1619