wan si wolten rîten in daß Etzelen lant.
Der wirt dô sîne gâbe bôt über al, 1632
ê die edelen geste kœmen vür den sal.
er kunde miltlîche mit grôßen êren leben:
sîne tohter schœne het er Gîselher gegeben.
Dô gab er Gêrnôte ein wâfen guot genuoc, 1633
daß er sît in stürmen vil hêrlîchen truoc.
der gâbe im wol gunde des marcgrâven wîp;
dâ von der guote Rüedegêr sît muose vliesen den lîp.
Dô gab er Guntheren, dem helde lobelîch, A.1634