und habt sô manegen boten ze Rîne nâch in gesant:
sô sint si iu komen ze hûse mit vil werlîcher hant.
‚Neinâ, hêrre Hildebrant, sô liep ich iu sî, b.
nu enphâch mir von dem Rîne die künege alle drî
und heiß si ligen ze velde, unz sô eß werde tac,
sô warne ich si mit triuwe des aller besten, sô ich mac.‘
Hart gezogenlîchen reit meister Hildebrant, b.
dâ er die drî künege von dem Rîne vant:
er enbeißt vil rîterlîchen und lie sich ûf diu knie,
daß er die drî künege von dem Rîne dâ enphie;