den hêrren Dietrîchen und sîne helde guot,
daß si iuch lâßen wißßen der vrouwen Kriemhilde muot.‘
Dô giengen sunder sprâchen die drî künege rîch, 1667
Gunther unde Gêrnôt und ouch hêr Dietrîch.
‚nu sag uns, von Berne vil edel rîter guot,
wie dir sî gewißßen umb der küneginne muot.‘
Dô sprach der vogt von Berne: ‚waß sol ich iu sagen? 1668
wan daß ich alle morgen weinen hœr unt klagen
mit jæmerlîchen sinnen daß Etzelen wîp
dem rîchen Got von himele des starken Sîvrides lîp.‘