Dô sprach diu küneginne zen recken über al: 1683
‚man sol deheiniu wâfen tragen in den sal;
ir helde, ir sult mirs ûf geben: ich wils behalten lân.‘
‚entriuwen,‘ sprach dô Hagene, ‚daß wirdet nimmer getân.
‚Jane ger ich niht der êren, vürsten tohter milt, 1684
daß ir zen herbergen traget mînen schilt
und ander mîn gewæfen. ir sît ein künegîn.
daß enlêrte mich mîn vater niht: ich wil selbe kamerære sîn.‘
‚Ouwê mîner leide,‘ sprach vrou Kriemhilt: 1685
‚war umbe wil mîn bruoder und Hagne sînen schilt