sô vriuntlîch enphâhet. er treit vil hôhen muot:
swer sîn vater wære, er mac wol sîn ein recke guot.‘
Des antwurte dem künege ein Kriemhilde man: 1691
‚er ist geborn von Troneje, sîn vater hieß Aldrîân.
swie blîde er hie gebâre, er ist ein grimmec man:
ich lâß iuch daß beschouwen, daß ich gelogen niene hân.‘
‚Wie sol ich daß erkennen, daß er sô grimmec ist?‘ 1692
dannoch er niht weste sô manegen argen list,
den sît diu küneginne an ir mâgen begie,
daß si ir nie deheinen von den Hiunen komen lie.