heißet irß uns rechen, eß sol im an sîn leben gân.‘
‚Daß wolde ich immer dienen, swer ræche mîniu leit: 1703
alles, deß er gerte, des wær ich im bereit.
ich biut mich iu ze vüeßen,‘ sprach des küneges wîp:
‚rechet mich an Hagenen, daß er verliese den lîp.‘
Dô garten sich vil balde sehzec küener man: 1704
durch Kriemhilde willen si wolden hin gân
und wolden slahen Hagenen, den vil küenen man,
und ouch den videlære. daß wart mit râte getân.
Dô diu küneginne ir schar sô kleine sach, A.1705