aller mîner leide. swaß im dâ von geschiht,
daß ist mir vil unmære, ir Etzelen man.‘
die übermüeten degene sâhen alle ein ander an.
Swer den strît dâ hüebe, sô wære dâ geschehen, 1731
daß man den zwein gesellen der êren müeße jehen,
wan siß in stürmen hêten vil dicke wol getân.
des sich jene vermâßen, durch vorhte muosen si daß lân.
Dô sprach ein der recken: ‚wes seht ir mich an? 1732
daß ich ê dâ lobete, des wil ich abe gân,
durch niemannes gâbe verliesen mînen lîp.