si giengen, dâ si vunden vil der degene
in grôßem antphange noch an dem hove stân.
Volkêr der küene vil lûte sprechen began.
Er sprach zuo sînen hêrren: ‚wie lange welt ir stên, 1741
daß ir iuch lâßet dringen? ir sult ze hove gên
und hœret an dem künege, wie der sî gemuot.‘
dô sach man sich gesellen die helde küene unde guot.
Der vürste von Berne der nam an die hant 1742
Gunthern den vil rîchen von Burgunden lant;
Irnvrit nam Gêrnôten, den vil küenen man;