dô schancte man den gesten, mit vlîße tet man daß,
in wîten goldes schâlen met, môraß unde wîn
und bat die ellenden grôße willekomen sîn.
Dô sprach der künic Etzele: ‚daß wil ich iu verjehen, 1751
mir enkunde in dirre werlde lieber niht geschehen
danne an iu helden, daß ir mir sît bekomen.
des ist der küneginne vil michel trûren benomen.
‚Mich nimt des immer wunder, waß ich iu habe getân, 1752
sô manegen gast vil edele, den ich gewunnen hân,
daß ir nie geruohtet komen in mîniu lant.