Dô wart der küneginne vil rehte daß geseit, 1786
daß ir boten niht enwurben: von schulden was ir leit.
dô vuogte si eß anders: vil grimme was ir muot.
des muosen sît verderben helde küene unde guot.
Âventiure
wie die hêrren ze kirchen giengen.
‚Mir kuolent sô die ringe,‘ sô sprach Volkêr: 1787
‚jâ wæn diu naht welle uns niht wern mêr.
ich kiuseß an dem lufte, eß ist vil schiere tac.‘
dô wacten si der manegen, der noch slâfende lac.
Dô schein der liehte morgen den gesten in den sal. A.1788