die sach man grôßer zühte   vor der küneginne phlegen.

Der künic schuof den gesten   den sedel überal, C.

den hôhsten und den besten   zuozim in den sal.

den kristen und den heiden   ir spîse er underschiet;

man gap genuoc in beiden,   als eß der wîse künec beriet.

Ir ander ingesinde   zen herbergen âßen: C.

den wâren truhsæßen   ze dieneste lâßen,

die muosen ir spîse   wol ze vlîße phlegen.

ir wirtschaft und ir vreude   wart sît mit jâmer widerwegen.

Dô der strît niht anders   kunde sîn erhaben, 1849