hât iu in den landen iemen iht getân,
daß hilfet er iu rechen, gewahset im sîn lîp.‘
die rede hôrte ouch Kriemhilt, des künic Etzelen wîp.
‚Im solden wol getrouwen dise degene, 1855
gewüehse er ze manne,‘ sô sprach Hagene:
‚doch ist der künic junge sô veiclîch getân:
man sol mich sehen selten ze hove nâch Ortliebe gân.‘
Der künec an Hagnen blicte: diu rede was im leit. 1856
swie niht dar umbe redete der vürste gemeit,
eß truobte im daß herze und swârte im den muot.