Âventiure
wie Dancwart diu mære ze hove sînen hêrren brâhte.
Alsô der küene Dancwart under die tür getrat, 1888
daß Etzeln gesinde er hôher wîchen bat.
mit bluote was berunnen alleß sîn gewant;
ein vil scharfeß wâfen truog er blôß an sîner hant.
Eß was reht in der wîle, do er kom vür die tür, C.
daß man Ortlieben truoc wider unde vür
von tische zuo tischen den vürsten wol geborn:
von disen starken mæren wart daß kindelîn verlorn.
Vil lûte rief dô Dancwart einem degene: 1889