dô sach man die geste houwende gân
mit den vil liehten swerten durch des küneges sal.
man hôrte allenthalben von wuofe grœßlîchen schal.
Dô wolden die dar ûße zir vriunden sîn dar in: 1910
die nâmen an den türen vil kleinen gewin.
dô wæren die dar inne vil gerne vür den sal:
Dancwart ließ ir deheinen die stiegen ûf noch ze tal.
Des huop sich vor den türen vil starker gedranc 1911
und ouch von den swerten grôßer helmklanc.
des kom der küene Dancwart in eine grôße nôt: