Do gedâhten in die besten: ‚er hât uns wâr geseit.‘ C.
doch enwas eß dâ niemen sô herzenlîche leit
als ouch Îringe, dem helde ûß Tenelant,
daß man in kurzen zîten mit der wârheit wol bevant.
Âventiure
wie Îrinc erslagen wart.
Dô rief von Tenemarke der marcgrâve Îrinc: 1965
‚ich hân ûf êre lâßen nu lange mîniu dinc
und hân in volkes stürmen des besten vil getân:
bringet mir mîn gewæfen: jâ wil ich Hagene bestân.‘
‚Daß wil ich widerrâten,‘ sprach dô Hagene. 1966