dô huop sich vor dem hûse ein vreislîcher nôt,
ê si die tür gewunnen mit ellenthafter hant.
des wart dâ verhouwen manec helm unde rant.
‚Wîchet,‘ sprach dô Volkêr, ‚und lât si her in gân: 2012
eß ist sus unverendet, des si dâ habent wân.
si müeßen drinne sterben in vil kurzer zît:
si arnent mit dem tôde, daß in diu küneginne gît.‘
Dô die übermüeten kômen in den sal, 2013
vil manegem wart daß houbet geneiget sô ze tal,
daß er muost ersterben vor ir swinden slegen.