Sie bâten, daß man bræhte den künic zuo in dar. 2025
die bluotvarwen helde und ouch harnaschvar
trâten ûß dem hûse und die drî künege hêr.
si enwessen wem ze klagene ir vil grœßlîchiu sêr.
Etzel unde Kriemhilt kômen beidiu dar; 2026
daß lant was ir eigen: des mêrte sich ir schar.
er sprach zuo den gesten: ‚nu sagt, waß welt ir mîn?
ir wænt vride gewinnen: daß kunde müelîch gesîn
‚Ûf schaden alsô grôßen, als ir mir habt getân. 2027
ir sult es niht genießen, sol ich mîn leben hân: