der ouch in sîner jugende grôßer êren vil gewan.
Die drî künege wâren, als ich gesaget hân, A.8
von vil hôhem ellen; in wâren undertân
ouch die besten recken, von den man hât gesaget,
stark und vil küene, in allen strîten unverzaget.
Daß was von Troneje Hagene und ouch der bruoder sîn, A.9
Dancwart der snelle, von Metzen Ortwîn,
die zwêne marcgrâven Gêre und Eckewart,
Volkêr von Alzeije, mit ganzen ellen wol bewart,
Rûmolt der kuchenmeister, ein tiuwerlîcher degen, A.10