dô lebte ir noch dar inne sehs hundert küener man,
daß nie künec deheiner beßßer degene gewan.
Der ellenden huote hete wol ersehen, 2062
daß noch die geste lebten, swie vil in was geschehen
ze schaden und ze leide, den hêrren und ir man.
man sach si in dem gademe noch vil wol gesunde gân.
Man sagte Kriemhilde, ir wære vil genesen. 2063
dô sprach diu küneginne: ‚daß möhte nimmer wesen,
daß ir deheiner lebte von des viurs nôt:
ich wil des baß getrouwen, daß si alle ligen tôt.‘